أحكيلي عليها يا بابا أحكيلي عليها

ـ بابا، اليوم في حصّة التاريخ، قرينا على الثورة التونسية، مازلت تِثبت عليها ؟

على سماعي كلمة الثورة التونسية، تبسّمت... تفكّرت أيّامات حلوّين ياسر. أيّامات صاروا عندهم 20 سنة. ا

ـ إييييه يا بنتي، وهوما الأيّامات هاكم يتّنساو ؟ عامتها عمري قريب ال22 سنة و حد ما كان يتصوّر إلّي في شهر من زمان، بن علي باش يطيح. حد ما كان يتصوّر إلّي في تونس، هالتطوّرات هذي الكلّها باش تصير. حد ما كان يتصوّر إلّي بعد 55 سنة، تونس باش تنتصر مرّة أخرى على إستعمار آخر أمّا داخلي. ا

ـ 22 سنة عمرك ؟ معناها تولدت في عهد بن علي و 22 سنة وإنتوما فرد ريتم ؟ ههههه

ـ أضحك أضحك. إنتي تظهرلك حاجة غريبة خاطر عمرك 14 سنة و حضرت على 3 رؤساء وهاو باش يولّيوا 4 في الإنتخابات متاع السنة، أمّا نحنا وقتها كانت عنّا حاجة عاديّة، و هي في الحقيقة موش عادية، حد ما كان ينجم يتكلم، حد ما كان ينجم يعارض، خلّاونا نشكّوا في العطار، في الحمّاص و حتّى في جيرانّا و صحابنا لا يطلعوا صبّابة، و من شيرة أخرى قفّافة الزين نهار كامل يبندروا باش يخلّيوا أصحاب العقول الصغيرة و النفوس الضعيفة تحسّ إلّي هو الأمثل و إلّي بلاش بيه، تونس تمشي في هاوية. تتكلّم كلمة هكّا وإلّا هكّا ؟ تذوق العذاب و تشبع بالحبس. عباد ماتت، و عايلات تشرّدت و صغيّرات تيتّمت، هذا آش كان صاير. ا

ـ ملّا حالة. وفي 20 سنة، تبدّلت برشا تونس ؟

ـ شوف بنتي، السياسة تبدّلت، الإقتصاد تبدّل، العباد بيدها و العقليات تحسّنت، الجهويّات تنحّات، الكلنا رجعنا توانسة و ما فمّاش فرق كبير بين الجهات ما عدا في تقاليدهم و إلّا في لهجتهم و إلّا في ماكلتهم، و التقاليد الكل و اللهجات الكل و الماكلات الكل عزاز غاليين ما دامهم توانسة... فيييين كنّا و فيييين صبحنا الحمد لله. أمّا فمّا حاجة قعدت هيّا هيّا، هواء تونس إلّي ما كيفو هواء. هواء تونس إلّي تنفّسو حنّبعل قبل ما يمشي يحارب الرومان. هواء تونس إلّي تنفّسو عقبة إبن نافع كيف أسّس مدينة القيروان و جعلها عاصمة للإسلام في إفريقيا. الهواء إلّي تنفّسوه جدودنا و خذاو منّو القوّة باش ما يخافوش قدّام المستعمر الفرنسي حتّى لين خرّجوه من بلادنا و أسّسوا الجمهوريّة. الهواء إلّي تنفّسناه عام 2011 و أنعشنا بيه روارينا باش لقينا نفس و جهد نعيّطوا بيه بن علي "ديڤاج". و هوّ بيدو الهواء إلّي تنفّسناه بعد الثورة باش لقينا العزيمة و القوّة و الصبر إلّي وصّلنا بيهم البلاد إلى الحالة إلّي يقتدا بها هذي. و هوّ بيدو الهواء إلّي تتنفّس فيه إنتي و صحابك توّا باش يكبر فيكم حب هالبلاد و تواصلوا المشوار و تاخذوا علينا المشعل. ا

غمّضِت البنيّة عينيها، تنفّست بالقوي، و تبسّمت... و تبسيمتها خلّاتني نحسّ إلّي تونس باش تكون بين أيدي أمينة إنشاء الله. ا

محمّد علي حكيمة

06/03/2011

التداول على العمل و الإعتصام لعدم الإخلال بالإقتصاد و النظام

بعد إندلاع الثورة و إسقاط نظام بن علي، تخلّص الشعب من جميع وسائل القمع و استرجع حقّه في التظاهر السلمي كما هو معمول به في جميع الديمقراطيات. ا

صحيح إلّي التظاهر عندو قوانين و لازمو يكون معلن عنّو مسبّقا لدى اللجان المختصّة، و لكن بما أنّو بلادنا تمرّ بفترة إستثنائية و ما كنّاش مستانسين بممارسة هالحق، ما إنّجموش نحكموا وإنقولوا إلّي جميع هالتظاهرات والإعتصامات ما عندهمش شرعية. بالعكس، مادام النضال لتحقيق الديمقراطية مازال متواصل، الإعتصامات لازمها تتواصل حبّينا وإلّا كرهنا. ا

ولكن، ما لازمش زادة نسلّموا في القراية و في الخدمة و نعتصموا على مدار الساعة وإنخلّيوا المسؤولين والعباد إلّي ضد الإعتصام يهدّونا بالإقتصاد وبالفوضى العارمة إلّي يمكن تتسبّب بيها الإعتصامات كيف تولّي عشوائية و غير منظّمة و الأهداف إلّي تدعو من أجلها ماهياش مسطّرة و الكلام هذا صحيح. ا

لذلك، في ضل التنسيق لهذه الإعتصامات و العمل من أجل إنجاحها و منحها شرعيّة تنظيمية لغياب الشرعية القانونية، في رأيي الخاص وإنشاء الله تكونوا موافقينني في الرأي، لازم الإعتصام يقوم على مبدأ التداول. يعني لازم يكون فمّا إعتدال بين الواجب الوطني إلّي هو العمل أو الدراسة و بين الحق إلّي هو التظاهر و التنديد بالمطالب التي يريد المتظاهرون تحقيقها. و هكذا يكون التنسيق بين المعتصمين لتحقيق الغرضين : ا

ـ لا يجب على المدارس و الجامعات و المستشفيات و جميع أماكن العمل أن تكون شاغرة و يعطّل مسارها

ـ و لا يجب على مراكز الإعتصامات أن تكون أيضا شاغرة و تكفّ الألسن على التنديد و التحاور و النقاش

أخيرا، اليوم مشيت، بعد ما كمّلت قريت الحصص متاعي في المدرسة الوطنية للمهندسين بصفاقس، للإعتصام القائم في ساحة الشهداء بباب القصبة بصفاقس، و فرحت إلّي مبدأ التداول معمول بيه. المحامين بعد ما يكمّلوا جلساتهم يجيوا للساحة و يشرعوا في تبليغ أرائهم و النقاش فيها، والأساتذة و الطلبة بعد ما يكمّلوا من التدريس و الدراسة كيف كيف... فمّا بالطبيعة إلّي ناصبين على طول الغادي و هذا من حقّهم، حد ما يدبّر فيهم، أمّا إنشاء الله يفهموا إلّي راهو النضال و خدمة الوطن ما يجيش بالكلام فقط، و ما يجيش بالفعل فقط، ولكن بالكلام و الفعل في آن واحد. تي نحنا أفراد الحكومة كان قعدوا يحكيوا ما غير ما يفعلوا، إنقولوا عليهم فاشلين و ماهمش قاعدين يقدّموا، و كان خدموا من غير ما يحكيوا مع الشعب، إنقولوا ضعاف في التواصل ولا زمهم يقولولنا على كل شيئ و يحكيولنا على مشاريعهم المستقبلية و نشكّوا إلّي هوما يغمّوا فينا. إذن لازم الشعب يتكلّم و يخدم باش الدولة تنجّم تخدم و تحقّقلوا مطالبوا وما تقعدش هيّ زادة تحكي و ماهاش قادرة تلبّي خاطر الفلوس إلّي باش نلبّيوا بيها المطالب ماهمش باش يهبطوا علينا مالسماء، أمّا باش يجيبهم الشعب بعرق جبينوا. ا

و إنشاء الله تونسنا بخير والسلام عليكم و رحمة الله و بركاته. ا

محمد علي حكيمة

03/03/2011

علاقة الكورة بالسياسة في المجتمع التونسي

أنا أنبّر، إذن أنا تونسي

يعتقد البعض أن الديڤاجومانيا (أو الإفراط في إدانة المسؤولين و مناداتهم بالرحيل) هي وليدة الثورة. وهذا غالط، فالديڤاجومانيا كانت مغروسة في طباع التونسيين منذ قرون. و زادا، برشا عباد ما يعرفوش أصل كلمة تنبير، وهي خصْلة (رذيلة) يتمتع بها التونسي بصفة إستثنائية. ا

ما ننكرش فضل الديڤاجومانيا في المناضلة ضد الإستعمار الفرنسي و طرد بن علي من الحكم، ولكنّها تبقى سلاح ذو حدين كيفها كيف السكّينة، إتنجم تستفاد منها باش تقصّ حاجات ما تنجّمش تقصّهم بيديك، و تنجّم تضرّك و تضرّ غيرك كان تستعملها في أمور إجرامية لا داعي لذكرها, أنا نعرف وإنتي تعرف. وهاو باش نعطيكم كمثال في عهد بن علي كيفاش التونسي كان يمارس الديڤاجومانيا. ا

الكلنا نعرفو إلّي بن علي من أهمّ الوسائل إلّي إستعملها وصرف علاها فلوس (الأرباح المعنوية و المادية يرجعولوا ليه هو بالطبيعة في الآخر) باش يلهّي الشعب و يخلّيه بعيد على السياسة هي الكورة. خلّى التونسي يعيّط و يناقش وينبّر كان في الكورة. وكان زادا كلّ تونسي يفتخر أنّو ينجّم يديڤاجي كورة من الڤول للڤول و من السونتر ومن الجناحين وينجّم حتّى يديڤاجي كورة بيديه. و الأهمّ من ذلك، كان التونسي ينجّم في شهر، يديڤاجي أربعة ولّا خمسة مدرّبي جمعيّات خاطر جابوا ماتش خسارة ولّا تعادل في أوّل مباراة ليهم في الجمعية. ا

نجي لحكاية التنبير. التونسي كان معروف بنقدو البنّاء للأمور وتنجموا تقراو كتابات إبن أبي ضياف وإبن خلدون وأبو القاسم الشابي وحتّى حكايات العروي و الكثير من المفكرين التونسيين القدماء الله يذكرهم بالخير، وهاذا باش تتأكّدوا بأنفسكم. ولكن جات الدكتاتوريات أهمّها وأشرسها دكتاتورية بن علي إلّي قمع التونسي في جميع الميادين ما عدا الكورة إلّي ستعملها لتهميش فكر التونسي والقضاء على النقد البنّاء (فضيلة) وتحويلو إلى تنبير فارغ (رذيلة) و هو نقد عشوائي مخرّب ولا تنجرّ عنه حلول إصلاحيّة. ا

اليوم بعد الثورة، تنحّات الديكتاتورية والحمد لله، ولكن الأمور لم تتحسّن بعد، يقول القايل علاش ؟ على خاطر يا سيدي التونسي قعد هو هو ! ديڤاجومانياك ونبّار وزيد بما أنّو ما عادش فما قيود مكبّلتّو، زاد شخّرها وحط سنكيام وإنده بكل حزم. أغلبية الشعب في نهار وليلة كانوا ينبّروا في الكورة ويديڤجيو في المدربين ولّاو ينبّروا في السياسة و يديڤاجيو في المسؤولين و الوزراء إلّي أصلا مكثرهم ما عرفوا شمعناها وزير إلّا في الأيام القليلة الفارطة. قبل الثورة، راس الهمّ كان التحكيم و بعد الثورة راس الهم ولّا الحاكم و الحكومة و التنبير قعد هو هو. والمحزن أنّو الكورة التونسية لعباد الكل عارفينها ماشية للهاوية بالعقلية متاعنا، وما خذيناش العبرة منها، وإنحبّوا بنفس الطريقة نرميوا بالسياسة في الهاوية، وإذا السياسة مشات للهاوية، البلاد الكل تمشي للهاوية. ا

و الخطير في الأمر، إنّو فمّا أطراف وعباد واعية بالشيئ هذا، و قاعدة تستغلّ في نقطة الضعف هاذي باش تخدم مصالحها الشخصيّة والله أعلم عاد شنوّا نواياها وشنوّا مشاريعها السياسية. وقولولي لا، كان غالط في حديثي. الأطراف هاذي موش عاجبها شيئ و قاعدة تزرع في العداوة بين الشعب و الحكومة إلّي هي لازمها تكون علاقة وطيدة، تدير الحكومة شؤون الدولة و تلبّي مطالب الشعب على المدى القريب و المتوسّط و البعيد، و ينقد الشعب و يراقب أعمال الحكومة كلّ من موقعه دون مبالغة ودون تعجيز. ا

كيفاش نحميوا رواحنا ؟ نـثــقّــفـوا رواحنا في السياسة وما نحكيوش في حاجة ماناش فاهمينها شنيّة، وكي فولان يقلّك على حاجة ما كنتش تعرفها قبل وإلا عندك علاها معلومات سطحية، ماذا بيك دزيد تسأل علاها العديد من الأطراف عملا بالمقولة رأيين خير من رأي (أصدقاء، أفراد العائلة، مربّين و حتى على الأنترنات إتنجم تلقى معلومات مع الفرز و التثـبّت بالطبيعة خاطر موش المعلومات الكل صحيحة). و زادا إنحاولوا نقضيوا على التنبير و نتعلّموا كيفاش ننقدوا بطريقة بنّاءة و إصلاحيّة و ما نكونوش ضد كل شيء و مع كل شيء بدون دراية وبدون مبررات. و أخيرا وليس آخرا، نردّوا بالنا شكون نتبّعوا ومن عند شكون ناخذوا المعلومة و كيف ما يقولوها، نبداو فايقينيلها. مثال حديث، هالإضرابات على العمل وراهم من أكبر العملاء إلى بن علي و من أكبر السرّاق إلي هو عبد السلام جراد, أمين عام الإتحاد العام التونسي للشغل. ناقفوا وقفة صغيرة نسألوا فيها رواحنا قبل ما نتبّعوه ونضربوا على العمل : زعمة هالكلب الذئب تحوّل بين ليلة و ضحاها إلى حمل وضيع ؟ وإلّا عرف روحو مزمّرة عليه و الحكومة الجديدة باش تحاكمو وتفرشلو وراقو، إذن لازمو يحاول يطيّحها ويعاون دكتاتور جديد يحميه ويخدملو مصالحه ؟ زعمة موش قاعد يستغل فينا وما يهموش في إقتصاد البلاد و خزينة الدولة ؟

إنشاء الله تونسنا بخير على كل حال، عندي ثقة في شعبنا إلّي فيسع ما يفهم ويفيق بالصحيح مالغالط، وعندي أمل كبير في إنّو الأمور تتحسّن (هي الكورة و بدات تتحسّن، المنتخب تقول برشلونة تكوّر في الشان هههه) و أنّو الديموقراطية تتجذر في تونسنا العزيزة والسلام عليكم و رحمة الله و بركاته. ا

محمد علي حكيمة

28/02/2011

Entretenons la démocratie que nous avons semée...

La démocratie, c'est comme une plante, elle ne pousse pas en une seule journée. Si on ne prend pas notre temps pour l'entretenir convenablement, si on se précipite à l'arroser excessivement, elle mourra. (vérité basée sur une expérience personnelle, et facile à démontrer si ce n'est déjà fait)

La dictature, c'est comme une maladie, elle ne guérit pas en une seule journée. Si on ne respecte pas les dosages nécessaires des médicaments, si on se précipite en avalant tous les médicaments en une seule gorgée, elle nous tuera. (vérité basée sur une expérience personnelle, et facile à démontrer si ce n'est déjà fait)

Entretenons la démocratie que nous avons semée, guérissons la dictature que nous avons déracinée. (vérité qui sera basée sur l'expérience de tout un peuple, le peuple tunisien. Difficile à démontrer certes, mais unissons-nous toutes et tous pour le faire)

Tunisien et fier de l'être,

Hkima Mohamed Ali.

Dites-moi ce que vous n'aimez pas chez vous ?

"Mr. El Tounssi, dites-moi ce que vous n'aimez pas chez vous ?"

Je n'aime pas la peur qui me coud la bouche, je n'aime pas l'indifférence qui me bouche les oreilles, je n'aime pas la censure qui me voile la vue, je n'aime pas le mensonge qui me salit la langue, je n'aime pas le vol qui me handicape les mains.

Je veux tout façonner, je ne veux rien de parfait, je veux juste être respectable, présentable et non amoché.

حسبنا الله و نعم الوكيل

George Bush...

... Je ne trouve vraiment pas quoi dire.
... Je ne trouve vraiment pas les mots exacts pour exprimer ce que j'ai ressenti lorsque mon père, au téléphone, m'informait qu'un Irakien a frappé Bush avec ces paires de chaussures.
... Je ne trouve vraiment pas les adjectifs adéquats pour décrire le court moment durant lequel je regardait la vidéo sur Youtube.

... Mais je sais que j'étais fier lorsque mon père me récitait le poème qu'il a écrit pour immortaliser cet évènement.

قـنـدرة مـنـتـظـر

كسرت لنا أنف راعي الـبـقـرْ

فـلله درّك يـــا مــنــتــظــرْ

ولله درّ حـــــــذاء بـــلــــيـــغٍ

أجـاب جـوابا شـديـد الأثـرْ

فـقـال : انـتـقـام العـراقيّ مـرٌّ

وقال : انتـقام العـراق أمـرْ

وقـال : العـراق عراق الفـراتِ

ومهـد حـضارات كـلّ البشرْ

وقـد صاغ "بدر" لأمثال بـوشٍ

نشيد العراق : نشيد المطـرْ

فشعب الـعــراق أراد الـحـــيـاةَ

ولا بـدّ أن يستجـيـب الـقـدرْ

وهيــهـــات للــذلّ أن يـسـتـمـرَّ

فـلا بـدّ للـقـيـد أن يـنـكـسـرْ

كـذلـك قـال الـحـذاء الفـصـيـحُ

وألقى على وجه بوش العبرْ

خدعت بُـوَيْـشٌ فخـضت حروبًا

ظـنـنت بجهلك أن تـنـتـصـرْ

وأعـلـنـت أنّ الـمـهـمّة تـمّــتْ

فكنت غريرا قصير الـنـظـرْ

و كالـلّـصّ زرت العراق مرارًا

فأين الشجاعة يا ابن "الهَمَرْ"

فـلا الزّهـر رشّ عـليك ولـكـنْ

رجمت "بـقـنـدرة" المنتـظـرْ

مـحـمـد عـامـر حـكـيـمـة
17 ديسمبر 2008

ملاحظة :


القصيدة تحمل نفس الشاعر التونسي أبو القاسم الشابي صاحب الأبيات المشهورة " إذا الشعب يوما أراد الحياة... " للأخوّة الراسخة بين العراق وتونس. ولتماثل مقاومة أي احتلال.
وأقصد بنشيد المطر : القصيدة المشهورة للشاعر بدر شاكر السياب " أنشودة المطر"

الهَـمَـرْ : Hummer