عوج سيدي العربي
باللّه قولولي ؟ يـخي كيالواحد يـمشي باش يلوّح الزبلة، يرميها في وسط الحاوية وإلا بـجنب الحاوية ؟ 
واللّه شيئ يدوّخ إلّي عمرو ما داخ.
شفت عباد تبخل باش تـمشي للحاوية، تلوّح الزبلة قدام دار جيرانـها وإلا فوق التروتوار وهذا إسـمو سلوك غير حضاري.
شفت عباد تـجتهد، تـمشي للحاوية أمـّا تلقاها معبية، تضطر باش تـحط الزبلة بـجنب الحاوية وهذه تنجّم تكون غلطة البلديّة إلّي موش قاعدة تفرّغ في الزبل متاعها.
أمـّا يارسول اللّه، عبد يـخرج من دارو، يـمشي للحاوية لبعيدة مياة ميترو، ويوصل بـحذاها ويلوّح الزبلة بـجنبها قدقد والحاوية فارغة تللّش، موش معبية، هذا بربّي أشيتسمّا ؟ موش عوج ؟
حار باش يهز شويّة إيديه ويحط الساشي في وسط الزبلة ؟ كان حاجة أخرى راهو هزها وماغير مزيّة.
والمشكلة، الفازة صارت قدّام مدرسة قدام برشة تلامذة إلّي ينجموا ياخذو هالصنعة الفاسدة منّو
واللّه شيئ يدوّخ إلّي عمرو ما داخ.
شفت عباد تبخل باش تـمشي للحاوية، تلوّح الزبلة قدام دار جيرانـها وإلا فوق التروتوار وهذا إسـمو سلوك غير حضاري.
شفت عباد تـجتهد، تـمشي للحاوية أمـّا تلقاها معبية، تضطر باش تـحط الزبلة بـجنب الحاوية وهذه تنجّم تكون غلطة البلديّة إلّي موش قاعدة تفرّغ في الزبل متاعها.
أمـّا يارسول اللّه، عبد يـخرج من دارو، يـمشي للحاوية لبعيدة مياة ميترو، ويوصل بـحذاها ويلوّح الزبلة بـجنبها قدقد والحاوية فارغة تللّش، موش معبية، هذا بربّي أشيتسمّا ؟ موش عوج ؟
حار باش يهز شويّة إيديه ويحط الساشي في وسط الزبلة ؟ كان حاجة أخرى راهو هزها وماغير مزيّة.
والمشكلة، الفازة صارت قدّام مدرسة قدام برشة تلامذة إلّي ينجموا ياخذو هالصنعة الفاسدة منّو
2 commentaires:
notre voisin qui ne dis jamais bonjour par ailleurs, descend a pied jette son sac poubelle juste à l'entrée de l'immeuble et continue à pied en passant juste à coté des poubelles
le monsieur est cadre supérieur d'une administration publique
hawka jt'ai tagué :DDD
bara chouf fel blog :yes:
Enregistrer un commentaire